Mamallakta Tantanakuyka, 95 ari apushitaywanmi, Energía y Minas llamkaywasi ñawpapushak, Fernando Santos Alvite runata, paypak llamkaykunata mana alli paktachishka nishpa llaktaywanachirka. Kay yuyarinakushka killkataka Fiscalía General del Estado shinallatak Contraloría tantanakuymanmi chayachinka, paykunami ima kutichinata charishkataka, pushaypi pantarishkata shinallatak ima llakikuna tiyashkatapash riksishpa rikuchinkakuna.
Mamallakta Tantanakuymanta rikuchishka llaktaywanachiypika Mamakamachiypak 131 niki killkata shinallatak Ley Orgánica de la Función Legislativa kamachiypak 85 niki killka rikuchishkata katishpami paktarinkakuna. Kay yuyarinakushkawanka doctor Fernando Santos Alvite runaka shamuk ishkay watakunatami llaktapak mana llamkay ushanka.
Rimanakuypika, 18 kamachi killkakkunami rimarirkakuna, llaktapak ñawpa llamkaktaka llaktaywanachiyta yallishpa chayanapak yuyachirkakuna, llaktapi zirmawan chaypikanaka shamuk pachakunapi llaki ama illachun, zirma ama illachun, shinallatak llaktapi llamkaykunapash ama harkarichun, ashtawankarin llamkakuna ama wakllirichun, kay economía popular y solidaria tantanakuykunapakpash.
Kay Fiscalización Minkarishkakunaka kay llaktay ñawinchiypika kay ey Orgánica de la Función Legislativa kamachiy rikuchishkata tukuytami paktashkanchik nirka, tukuy ruraykuna katinata shinallatak pakta pakta mitsarinatapashmi allinta sumaychashkanchik nirkami.
Shinallatak, rimanakuykunapika Llakta pushaktami kayshina rikuykunapi paktarichun kayachirkakuna, kayshina centrales hidroeléctricas llamkaywasikuna sinchiyachun; zirmata wiñachinapak wasikunatapash allichishpa sinchiyachina, shinallatak chuyaklla, pachamamawan paktariklla ruraykunawan zirmata wiñachinamantapash rimarirkakuna.
Chayshinallatak, kamachi killkakkunaka Santos Alvite runaka payman minkashkamanta rikunata charinmi nirkakuna, payka huchachishkata chimapapuranapak mana pakta rikuchinata charirkachu, kaypika zirma wiñachik wasikunata rikunapak pakta ruraykunawan mana chayashkami riksirirka, ashtawankarin zirmata rikuk yachakkuna willachishkamantapash mana ima llamkaywan chayashka rikurinchu, nirkakuna.
EG/pv/cg-k
Ashtawan Shuyukuna: