Mamallakta Tantanakuypi chaypikak tukuy kamachi killkakunami. 122 ari apushitaywan, kay Ley para el Control del Espacio Aéreo Nacional kamachiy rurana killkata arinirkakuna, Kay kamachiyka mushuk Mamallakta Tantanakuypak chunka pusakniki arinishka kamachiymi.
Kay kamachiyka 36 niki killkakunayukmi, kay kamachiyka wayra pachapi, mamakuchapi, shinallakta yunka llaktapi llakikuna tiyashkata harkanapak rikunapakmi yanapan, llamkaytaka llaktata kasillka kawsayta rikukkuna shinallatak Mamallaktachikta chapakkunapashmi makikuranka.
Inés Alarcón kamachi killkak, kay Seguridad Integral Minkarishkapi allichishka killkata riksichik, kay Minkarishkapimi kamachiy rurana yuyaykunata chaskishpa sinchita yuyaypaktarirkakuna, nirkakuna "LLaktapak wayra pachata rikuranaka ima mama allikunata harkanapak, llakichikkunata chimpapuranapak shinallatak llaktayukkunapak hayñita ukllanapakmi pakta yanapanka".
Kay kamachiyka ushaywan paktarinata shinallataka mitsarinapakmi hillaykunata wiñachin, kayshina wayra pachamanta ayllukuna purichikuk nakashpaka kaylla purimuk antankakunapash llakichina yuyay charikta harkanapak, chimpapurak antankata wakllichina yuyay charikta rikushpa shinallatak llaktapak allpata wakllichinata rikushpa harkanapak.
Rimanakuypika 13 kamachi killkakkunami rimarirka, paykunaka kayshina llakikunata chimaparanapakmi kay kamachiyka yanapanka, shinallatak imashina paktarinatapash achikllata churanka, ñukanchik wayra pachata wakllichinalla rikurikpipash harkanapak yanapanka, nirkami.
Kay 2023 watakamaka, Fuerzas Armadas del Ecuador (FFAA) tantanakuyka 47 antankakunna umachinkachina aparishkatami hapirka, chaymantami 71 ayllukunata shinallatak 8.1 toneladas umachinkachinata katihapirkakuna, ashtawankarin cocaína umachinkachinata hapirka.
Chaymantaka, Otto Vera kamachi killkak nirkami, shuk antanka pakalla 400 Kg umachinkachinata apapukka, Ecuador llaktapika 800 waranka dólar kullkiman tikran, shinapash istallakpika, 11 shinallatak 12 hunu dólares kullkimanmi tikran, chaymantami wakllichik llamkaykullkitami harkana kan.
Kay kamachiykata Llakta pushakmanmi chayachinka paymi 30 puncha ukupi rikushpa arininka nakashpaka allichinapak kachanka.
Llaktayuk chaypikana
Kay general de la Fuerza Aérea Ecuatoriana, Celiano Cevallos runaka, llamkaywasipak yachakkunawan shinallatak kamachiy killkakkunawan rimanakunaka kamachiytami alliman yuyaypaktarinaman yanaparka, kayshina ñukanchik llaktapak wayrapachata ukllankapak shinallatak istallaktamanta umachinkachik llakikunata harkanapakpash.
CV/pv/cg-k
Ashtawan shuyukuna:
